அயோத்தியில் செட்டில் ஆகிறாரா?.. ராமர் கோவில் அருகே இடம் வாங்கிய பச்சன் -எத்தனை கோடி தெரியுமா?

அயோத்தியில், 14 கோடியே 50 லட்சம் ரூபாய் மதிப்பிலான வீட்டு மனையை பாலிவுட் நடிகர் அமிதாப் பச்சன் வாங்கியுள்ளதாக தகவல் வெளியாகியுள்ளது. அயோத்தியில் ராமர் கோயில் குடமுழுக்கு விழா வரும் 22-ம் தேதி நடைபெறவுள்ள நிலையில், அந்த பகுதியில் வீட்டுமனை விற்பனை சூடுபிடித்துள்ளது. இந்நிலையில், அயோத்தியில் 14 கோடியே 50 லட்ச ரூபாய் மதிப்பிலான, சுமார் 10 ஆயிரம் சதுர அடி பரப்பிலான வீட்டு மனையை அமிதாப் பச்சன் வாங்கியுள்ளார். அந்த இடத்தில் அமிதாப் வீடு கட்ட திட்டமிட்டுள்ளதாகவும், அங்கிருந்து ராமர் கோயில் 15 நிமிட பயண தூரத்திலும், அயோத்தி விமான நிலையம் 30 நிமிட பயண தூரத்திலும் உள்ளதாக கூறப்படுகிறது