"புனித் ராஜ்குமாருக்கு கர்நாடக ரத்னா விருது" - கர்நாடக முதல்வர் பசவராஜ் பொம்மை அறிவிப்பு

மறைந்த நடிகர் புனித் ராஜ்குமார் நினைவஞ்சலி செலுத்தும் விதமாக கர்நாடக திரைப்பட சம்மேளனம் சார்பில் கலைத்துறையினர் பங்கேற்கும் விழா பெங்களூரு அரண்மனை மைதானத்தில் நடைபெற்றது. இந்த விழாவில் பேசிய கர்நாடக முதல்வர் பசவராஜ் பொம்மை, நடிகர் புனித் ராஜ்குமார் கர்நாடக மக்களின் மனதில் எந்த அளவு இடம் பிடித்துள்ளார் என்பதற்கு அவரது இறுதிச் சடங்கில் பங்கேற்ற மக்கள் கூட்டம் சாட்சியாக அமைந்துள்ளது என்றார். அரசு மரியாதையுடன் புனித் ராஜ்குமாரின் உடல் அடக்கம் செய்யப்பட்டதை அவர் சுட்டிக் காட்டினார். பின்னர், கர்நாடக அரசு சார்பில்,  கர்நாடக ரத்னா என்ற உயரிய விருது வழங்கப்படும் என்றும் தெரிவித்தார்.