"தடுப்புக்காவலில் உள்ளவர் அச்சமற்றவர்"; "உண்மையான காங்கிரஸ்காரர்" - பிரியங்காகாந்தி குறித்து ராகுல்காந்தி கருத்து

உத்தரபிரதேச மாநிலத்தில் தடுப்புக்காவலில் உள்ளவர் அச்சமற்றவர் என பிரியங்கா காந்தி குறித்து ராகுல்காந்தி டுவிட்டரில் பதிவிட்டுள்ளார். உத்தரபிரதேச மாநிலம் லக்கிம்பூரில் கலவரம் நடந்த பகுதியை பார்வையிடச் சென்ற பிரியங்கா காந்தி தடுப்புக்காவலில் வைக்கப்பட்டார். இதுகுறித்து காங்கிரஸ் எம்.பி. ராகுல் காந்தி தனது டுவிட்டர் பக்கத்தில் கருத்து பதிவிட்டுள்ளார். அதில், பிரியங்கா காந்தி அச்சமற்றவர், உண்மையான காங்கிரஸ்காரர் எனவும் சத்யாகிரக போராட்டம் ஒருபோதும் நிற்காது எனவும் பதிவிட்டுள்ளார்.