உத்தரபிரதேச உள்ளாட்சித் தேர்தல்; யோகி ஆதித்யநாத்துக்கே புகழ் - மோடி

உத்தர பிரதேச தேர்தலில் பா.ஜ.க. வெற்றி பெற்றதற்கான அனைத்து புகழும் யோகி ஆதித்யநாத்துக்கே சேரும் என பிரதமர் நரேந்திர மோடி பாராட்டியுள்ளார். உத்தர பிரதேசத்தில் மாவட்ட பஞ்சாயத்து தலைவருக்கான தேர்தலில் 75 இடங்களில் 67 இடங்களை பா.ஜ.க. கைப்பற்றி உள்ளது.    அடுத்த ஆண்டு அம்மாநிலத்தில் சட்டப்பேரவைத் தேர்தல் நடைபெற உள்ள நிலையில் இந்த வெற்றியை பாஜகவினர் உற்சாகமாக கொண்டாடி வருகின்றனர்.  வெற்றிக்கு பாராட்டு தெரிவித்த பிரதமர் மோடி,  வளர்ச்சி, பொது சேவை மற்றும் சட்டத்தின் ஆட்சி ஆகியவற்றிற்கு பொதுமக்கள் அளித்த ஆசியே, உத்தர பிரதேச மாவட்ட பஞ்சாயத்து தலைவருக்கான தேர்தலில் பா.ஜ.க. அடைந்த வெற்றி என குறிப்பிட்டுள்ளார், இந்த வெற்றிக்கான புகழ் அனைத்தும் முதலமைச்சர் யோகி ஆதித்யநாத்தின் கொள்கைகள் மற்றும் கட்சி தொண்டர்களின் உழைப்பையே சாரும் எனவும் பிரதமர் மோடி பாராட்டியுள்ளார்.