திருப்பதி நவராத்திரி பிரம்மோற்சவ விழாவின் 3-வது நாளில் சிம்ம வாகனத்தில் மலையப்பர் பவனி

திருப்பதி நவராத்திரி பிரம்மோற்சவ விழாவின் 3-வது நாளில் சிம்ம வாகனத்தில் யோகநரசிம்ம அவதாரத்தில் மலையப்ப சுவாமி பவனி வந்தார். நான்கு மாடவீதிகளில் திரண்டிருந்த ஆயிரக்கணக்கான பக்தர்கள் கோவிந்தா.. கோவிந்தா..என கோ‌ஷம் எழுப்பி பெருமாளை தரிசித்தனர். வாகன வீதிஉலாவுக்கு முன்னால் யானைகள், அணிவகுத்து சென்றன. ஆண், பெண் கலைஞர்கள் கோலாட்டம் ஆடினர். சாமி வேடமிட்ட பக்தர்கள் ஊர்வலத்தில் பங்கேற்றனர்.