அமெரிக்கா சென்றுள்ள பிரதமர் மோடி - பல்வேறு இந்திய சமூகத்தினருடன் பிரதமர் மோடி சந்திப்பு

ஹூஸ்டன் நகரில், சீக்கிய சமூகத்தினரை பிரதமர் மோடி சந்தித்து உரையாடிய போது, டெல்லி விமான நிலையத்திற்கு குருநானக் தேவ் என பெயர் சூட்ட அவர்கள் கேட்டுக்கொண்டனர். மேலும் அமெரிக்காவில் அகதிகளாக குடியேறி உள்ள அச்சமூகத்தினரின் பாஸ்போர்ட் மற்றும்  விசா தொடர்பான பிரச்னைகளுக்கு  தீர்வு காணவும் கேட்டுக்கொண்டனர். இதைத்தொடர்ந்து போரா சமூகத்தினரை சந்தித்த பிரதமர் மோடி, தொடர்ந்து, காஷ்மீர் பண்டிட் சமூகத்தினரை சந்தித்து பேசினார். அப்போது, காஷ்மீர் மாநிலத்தில் 370 ஏ சட்டப்பிரிவு நீக்கப்பட்டதற்கு, பண்டிட் சமூகத்தினர் நன்றி தெரிவித்துக்கொண்டனர். அப்போது உணர்ச்சியின் மிகுதியில், அந்த சமூகத்தினரை சேர்ந்த ஒருவர் பிரதமர் மோடியின் கையில் முத்தமிட்டார்.