தெலுங்கானா : லாரி மீது கார் மோதி விபத்து - 3 பேர் உயிரிழப்பு

தெலுங்கானா மாநிலம் நிஜாமாபாத்தில், கார் ஒன்று எதிரே வந்த லாரி மீது மோதியதில் சம்பவ இடத்திலேயே 3 பேர் உயிரிழந்தனர். ஐதராபாத்தில் இருந்து நிஜாமாபாத்திற்கு ஒரு குடும்பத்தினர் காரில் வந்து கொண்டிருந்த போது, முன்னால் சென்ற வாகனத்தை முந்திச் செல்ல முயன்றனர். அப்போது, எதிர்த்திசையில் வந்த லாரி மீது கார் வேகமாக மோதியது. இதில், கார் நொறுங்கிய நிலையில், பயணம் செய்த 3 பேரும் உயிரிழந்தனர். கார் மோதிய வேகத்தில் லாரி தீப்பிடித்தது. இதையடுத்து போலீசார் மற்றும் தீயணைப்புத்துறையினர் விரைந்து வந்து தீயை அணைத்தனர். உயிரிழந்தவர்கள் யார் என்ற விவரம் தெரியாத நிலையில், போலீசார் விசாரணை மேற்கொண்டுள்ளனர்.