இறந்த சில நிமிடங்களில் திறந்த கண்கள்.. மரணித்தும் வாழும் நடிகர் டேனியல் பாலாஜி..!
பிரபல நடிகர் டேனியல் பாலாஜி, மாரடைப்பு காரணமாக மருத்துவமனையில் அனுமதிக்கப்பட்ட நிலையில், சிகிச்சை பலனின்றி உயிரிழந்தார்.
டேனியல் பாலாஜி சின்னத்திரையில் இருந்து, வெள்ளி திரையில் காலடி வைத்தவர். ஏப்ரல் மாதம் படத்தின் மூலம் வெள்ளித்திரைக்கு வந்த டேனியல் பாலாஜிக்கு, காக்க காக்க தனித்த அடையாளம் பெற்று தந்தது. வேட்டையாடு விளையாடு, பொல்லாதவன், வடசென்னை, பிகில் என பல ஹிட் படங்களில் தன் நடிப்புத் திறமையை வெளிப்படுத்தயிருந்தார். தமிழ் மட்டுமில்லாமல், தெலுங்கு, கன்னடம் என பிற மொழியிலும் நடித்து தனக்கென தனி ரசிகர் பட்டாளத்தை உருவாக்கியவர். இந்த நிலையில்தான், வெள்ளிக்கிழமை அன்று வீட்டில் இருந்த அவருக்கு மாரடைப்பு ஏற்பட்டதன் காரணமாக தனியார் மருத்துவமனையில் அனுமதிக்கப்பட்டு, சிகிச்சை பலனின்றி உயிரிழந்தார். அவரது இறப்பு திரையுலகினரை சோகத்தில் ஆழ்த்தியுள்ளது. மறைந்த டேனியல் பாலாஜியின் கண்கள் தானம் செய்யப்பட்டு அஞ்சலிக்காக சென்னை புரசைவாக்கம் வரதம்மாள் காலனியில் உள்ள அவரது இல்லத்தில் வைக்கப்பட்டு உள்ளது.
இன்று மாலை அவரது உடல் ஓட்டேரி பகுதியில் உள்ள அரசு மின் மயானத்தில் தகனம் செய்யப்பட உள்ளது.