நாகை மாவட்டம் சிக்கல் சிங்காரவேலவர் கோவிலில், வள்ளி - முருகன் திருமண வைபவம் கோலாகலமாக நடைபெற்றது. வள்ளி முருகனை சந்திப்பதும், அப்போது விநாயகர் யானை ரூபத்தில் வந்து, வள்ளியை பயமுறுத்துவதும், தொடர்ந்து வள்ளி முருகனிடம் அடைக்கலமாகி திருமணம் செய்யும் வைபவம் நடைபெற்றது. இதற்காக நிஜ யானை அழைத்து வரப்பட்டு, யானை பிளிறுவதும், யானைக்கு பயந்து வள்ளி முருகனை சந்திப்பதும் தத்ரூபமாக செய்து காண்பிக்கப்பட்டது. இதில் ஆயிரக்கணக்கான பக்தர்கள் பங்கேற்று சுவாமி தரிசனம் செய்தனர்.