சார்ஜரில் இருந்த எலக்ட்ரிக் பைக்கில் திடீர் தீ.. நொடியில் நாசமான 2 வீடுகள்- அதிர்ச்சி காட்சி..

விழுப்புரம் மாவட்டம் திண்டிவனம் அருகே சார்ஜ் போடப்பட்டிருந்த 2 எலக்ட்ரிக் பைக்குகளில் பற்றி நெருப்பில் 2 வீடுகள் சேதம் அடைந்தன. கூட்டேரிப்பட்டு ஜானகி நகரைச் சேர்ந்த மணிகண்ட வேலன் என்பவரது வீட்டில் இந்த விபத்து நிகழ்ந்துள்ளது. எலக்ட்ரிக் பைக்குகளில் பற்றிய நெருப்பு, அருகிலுள்ள கார்மேகம் என்பவரது வீட்டிற்கும் பரவியது. இந்த விபத்தின், போது இரண்டு வீட்டிலும் யாரும் இல்லாததால் உயிர்சேதம் ஏற்படவில்லை. தீ விபத்து குறித்து மயிலம் போலீசார் விசாரித்து வருகின்றனர்.