நாகையில் புதிய டைடல் பூங்கா..! IT துறையில் குவியப்போகும் வேலைவாய்ப்பு | T. R. B. Rajaa

முதலமைச்சரிடம் நாகை மாவட்டத்தின் வளர்ச்சிக்காக பேசவுள்ளதாக தொழில்துறை அமைச்சர் டி.ஆர்.பி.ராஜா தெரிவித்துள்ளார். நாகை மாவட்டம் செல்லூரில் டைடல் பார்க் அமைப்பதற்கான இடத்தை ஆய்வுசெய்த அமைச்சர்கள் டி.ஆர்.பி.ராஜா, அன்பில் மகேஷ் பொய்யாமொழி ஆகியோர் விவசாயிகளிடம் கலந்துரையாடினர். அப்போது நாகையில் டைடல் பார்க் அமைந்தால் வேலை வாய்ப்பு பெருகும் என்று விவசாயிகள் தெரிவித்தனர். அதற்கு பதிலளித்த அமைச்சர் டி.ஆர்.பி.ராஜா, பச்சைத்துண்டு போட்டு விவசாயிகள் டைடல் பார்க் கேட்பது மகிழ்ச்சி அளிப்பதாக தெரிவித்தார். தொடர்ந்து செய்தியாளர்களிடம் பேசிய அவர், முதலமைச்சர் ஸ்டாலினிடம் டைடல் பார்க் பற்றிய முன்மொழிவை கொடுக்கவுள்ளதாக தெரிவித்தார்.