குத்து பாடலுக்கு பள்ளி மாணவிகளை ஆட விட்டு ரசித்த ஆசிரியர்கள் - இணையத்தில் பரவிய வீடியோ

தென்காசி மாவட்டம், குற்றாலத்தில் நடைபெற்ற பண்ணைச் சுற்றுலாவில் கலந்து கொள்வதற்காக கடையம் சுற்று வட்டார பகுதிகளில் இருந்து அரசு பள்ளி மாணவ, மாணவிகள் வேனில் அழைத்துச் செல்லப்பட்டனர். அவர்களுடன் ஒரு பெண் ஆசிரியை கூட செல்லாமல், மாணவிகளை குத்து பாடலுக்கு நடனம் ஆட வைத்து அதை வீடியோ எடுத்து சமூக ஊடகங்களில் பரப்பி உள்ளார்கள். இந்த வீடியோ வைரலானதை கண்டு பெற்றோர்களும் சமூக ஆர்வலர்களும் எதிர்ப்பு தெரிவித்துள்ளனர். சம்பந்தப்பட்ட ஆசிரியர்கள் மீது நடவடிக்கை எடுக்க வேண்டும் என கோரிக்கை எழுந்ததை தொடர்ந்து சம்பந்தப்பட்ட 2 ஆசிரியர்கள் மற்றும் வட்டார கல்வி அலுவலர்களிடம் துறை ரீதியாக விசாரணை நடத்தப்பட்டது. அவர்களிடம் 2 கட்டங்களாக விசாரணை நடைபெறுவதாக கூறப்படுகிறது.