அடித்து நொறுக்கிய கனமழை - குளுகுளுவென மாறிய தமிழகம்

தஞ்சாவூர் மாவட்டம் பாபநாசம், கபிஸ்தலம், அய்யம்பேட்டை, திருக்கருக்காவூர் மற்றும் அதன் சுற்றுவட்டார பகுதிகளில் பலத்த மழை பெய்த‌து.

திருவிடைமருதூர் சுற்றுவட்டார பகுதிகளில் கனமழை பெய்த‌தால், சாலைகளில் மழைநீர் தேங்கியது. அம்மாசத்திரம், தேப்பெருமாநல்லூர், திருபுவனம், ஆடுதுறை, திருமங்கலக்குடி, திருப்பனந்தாள், பந்தநல்லூர் உள்ளிட்ட பகுதிகளிலும் தொடர்ந்து மழை பெய்த‌து.

பெரம்பலூர் மாவட்டம் குன்னம் சுற்றுவட்டார பகுதிகளான வேப்பூர், பெருமத்தூர், நல்லூர், வயலூர் வயலப்பாடி, கிழுமத்தூர் உள்ளிட்ட இடங்களில் கனமழை வெளுத்து வாங்கியது. இதனால் சம்பா பருவ நெல் நடவு பணியில் ஈடுபட்டடுள்ள விவசாயிகள் மகிழ்ச்சி அடைந்துள்ளனர்.

நாமக்கல் மாவட்டம் பள்ளிபாளையம் சுற்றுவட்டார பகுதிகளில் கன மழை பெய்த‌து. ஆவரங்காடு, பெரியார் நகர், ஜீவா செட், அக்ரகாரம், ராஜவீதி உள்ளிட்ட பல்வேறு இடங்களில் கன மழை கொட்டி தீர்த்தது.