கோயில் வளாகத்திற்குள் திடீரென காணப்பட்ட சுக்கிரன் சிலை - குழப்பத்தில் மக்கள்

மதுரை சோழவந்தான் ஜெனகை நாராயண பெருமாள் கோயிலில் திடீரென காணப்பட்ட சுக்கிரன் சிலை குறித்து போலீசார் விசாரணை நடத்தி வருகின்றனர். கோயிலில் துப்புரவு பணியாளர் பாண்டியம்மாள் என்பவர் தூய்மைப் பணியில் ஈடுபட்டபோது, சுக்கிரன் கற்சிலை இருந்தது கண்டு அதிர்ச்சியடைந்தார். இதுகுறித்து விசாரிக்க கோயில் செயல் அலுவலர், சோழவந்தான் போலீசார் மற்றும் சிலை திருட்டு தடுப்புப் பிரிவு போலீசாருக்கு தகவல் தெரிவித்தார். அதன்பின் அந்தச்சிலை தாலுகா அலுவலகத்தில் ஒப்படைக்கப்பட்டது. சாமி கும்பிடுவதற்காக சிலையை கொண்டு வந்து வைத்தார்களா? அல்லது வேறு இடத்தில் திருடிய சிலையை இங்கு வந்து வைத்துவிட்டு சென்றார்களா? என போலீசார் விசாரணை நடத்தி வருகின்றனர்.