கார் மோதி விபத்து.. தூக்கி வீசப்பட்ட அக்கா, தம்பி.. ஓட்டுனரை கட்டி வைத்து அடித்த மக்கள்..

சேலம் மாவட்டம் தாரமங்கலம் அருகே மது போதையில் காரை ஓட்டி விபத்தில் 2 உயிரிழக்க காரணமானவரை போலீசார் கைது செய்தனர். சித்தனூர் மல்லப்பம்பட்டியை சேர்ந்த ஜவகர் என்பவர் மது போதையில் தாரமங்கலம் நோக்கி காரை ஓட்டி சென்ற போது எதிரே வந்த இருசக்கர வாகனம் மீது கார் மோதியது. இந்த விபத்தில் மல்லிகா, சேட்டு என்ற அக்கா, தம்பி சம்பவ இடத்திலேயே உயிரிழந்தனர். மற்றொரு வாகனம் மீது கார் மோதி மேலும் 2 பேர் படுகாயமடைந்தன்னர். இதனால் ஆத்திரமடைந்த பொதுமக்கள் காரை மதுபோதையில் ஒட்டி வந்த ஜவகரை மரத்தில் கட்டி வைத்து உதைத்தனர். பின்னர் போலீசார் ஜவகரை கைது செய்து நீதிமன்றத்தில் ஆஜர்படுத்தி சிறையில் அடைத்தனர்.