மீனம், கன்னி ராசிக்கு ராகு, கேது பெயர்ச்சி.. நாகேஸ்வரர் கோயில் நடந்த பிரமாண்ட விழா

தேனி மாவட்டம் உத்தமபாளையத்தில் உள்ள திருகாளதீஷ்வரர் ஞானாம்பிகை கோயிலில் ராகு கேது பெயர்ச்சி விழாவையொட்டி, திருக்கல்யாண வைபவம் நடைபெற்றது. அப்போது, ராகு பகவான் மேஷ ராசியிலிருந்து மீனம் ராசிக்கும், கேது பகவான் துலாம் ராசியிலிருந்து கன்னி ராசிக்கும் பெயர்ச்சி ஆனார். இந்நிகழ்வில் உத்தமபாளையம், கம்பம், இராயப்பன்பட்டி, கோம்பை உள்ளிட்ட பல்வேறு பகுதிகளில் இருந்து ஏராளமான பக்தர்கள் கலந்து கொண்டு சுவாமி தரிசனம் செய்தனர். தொடர்ந்து ராகு சிமஹ தேவிக்கும், கேது சித்திரலேகா தேவிக்கும் திருக்கல்யாண வைபவம் நடைபெற்றது..