அந்த டைமிங்கை நோட் செய்து வந்த கும்பல் - பட்டப்பகலில் VAO வீட்டில் அதிர்ச்சி

நெல்லையில் கிராம நிர்வாக அலுவலர் வீட்டின் கதவை உடைத்து,70 சவரன் நகை கொள்ளையடிக்கப்பட்ட சம்பவம் பரபரப்பை ஏற்படுத்தியுள்ளது. பழைய பேட்டை பகுதியில் கிராம நிர்வாக அலுவலரான அந்தோணி தங்கத்துரை, வசித்து வருகிறார். இவர் காலை 11 மணிக்கு வீட்டை பூட்டி விட்டு வெளியே சென்று விட்டு

மாலை 4 மணிக்கு வீடு திரும்பியுள்ளார்.

அப்போது வீட்டின் பின்பக்க கதவு உடைக்கப்பட்டு பீரோவில் இருந்த 70 சவரன் நகைகள் கொள்ளையடிக்கப்பட்டது தெரியவந்தது. இவரது மனைவி மேரி அரசு மருத்துவக் கல்லூரி மருத்துவமனையில் செவிலியர் ஆக பணியாற்றி வருகிறார். அவரும் பணிக்கு சென்றுவிட்டதால் வீட்டில் ஆள் இல்லாததை நோட்டமிட்ட கொள்ளையர்கள் இந்த கொள்ளை சம்பவத்தை அரங்கேற்றியுள்ளனர். இந்த சம்பவம் தொடர்பாக போலீசார் வழக்கு பதிவு செய்து விசாரணை கொண்டு வருகின்றனர்.