வீட்டிற்குள் நுழைய முயன்ற நல்ல பாம்பு.. தடுத்து நிறுத்திய வளர்ப்பு நாய்கள் - வைரலாகும் வீடியோ

மதுரையில் வீட்டிற்குள் நுழைய முயன்ற நல்ல பாம்பை, வளர்ப்பு நாய்கள் வாசலிலேயே தடுத்து நிறுத்தியது தொடர்பான நெகிழ்ச்சி வீடியோ வெளியாகியுள்ளது. திருமங்கலம் சண்முகம் நகரை சேர்ந்த மோகனசுந்தரம் என்பவரின் வீட்டுக்குள், 6 அடி நீளமுள்ள நல்ல பாம்பு நுழைய முயன்றது. அப்போது, வீட்டுக்குள் இருந்த வளர்ப்பு நாய்கள், பாம்பை உள்ளே நுழைய விடாமல், தொடர்ச்சியாக குரைத்தன. இதனால் பாம்பு படம் எடுத்தபடியே வீட்டு வாசலில் நின்றிருந்தது. இதையடுத்து, வீட்டில் இருந்தவர்கள் தீயணைப்புத்துறைக்கு தகவல் அளித்தனர். விரைந்து வந்த தீயணைப்புத்துறையினர், பாம்பை பிடித்து, வனப்பகுதியில் விட்டனர்.