விபத்தில் நசுங்கிய லாரி.. இடையில் சிக்கி தொங்கியபடி துடி துடித்த உயிர் - அரண்டு நின்ற NH

கரூர் - திருச்சி தேசிய நெடுஞ்சாலையில் ரயில்வே தண்டவாளங்களை சுமந்து சென்ற ராட்சத லோடு லாரி, கரூர் அருகே ஏமூர் பகுதியில் யூ-டர்ன் எடுக்க திரும்பியது. அப்போது, எதிர்பாராத விதமாக பின்னால் வந்த எம்.சாண்ட் மணல் லாரி, லோடு லாரி மீது பயங்கரமாக மோதியது. இதில் எம்.சாண்ட் லாரியின் முன்பதிகு கடுமையாக சேதமடைந்த நிலையில், ஓட்டுநர் தங்கவேல் இடிபாடுகளில் சிக்கி கொண்டார். படுகாயங்களுடன் லாரியில் சிக்கியிருந்த ஓட்டுநர் நீண்ட போராட்டத்திற்கு பிறகு மீட்கப்பட்டார். தண்டவாளங்களை சுமந்து வந்த லோடு லாரி ஓட்டுநர் சம்பவ இடத்திலிருந்து தப்பி ஓடிய நிலையில், விபத்து காரணமாக தேசிய நெடுஞ்சாலையில் போக்குவரத்து பாதிக்கப்பட்டது.