தந்தி டிவி செய்தி எதிரொலி.. உடனே களமிறங்கிய அதிகாரிகள்
குமரி மாவட்டத்தில் இனையம்புத்தன்துறை மீனவ கிராமத்தில் 200க்கும் மேற்பட்ட வீடுகளை மழைநீர் சூழ்ந்துள்ளதால் பொதுமக்கள் கடும் அவதி அடைந்தனர். பாரதியார் தெருவில் இடுப்பளவுக்கு தண்ணீர் தேங்கியுள்ளது. இதனால், பொதுமக்கள் வீடுகளை விட்டு வெளியேற முடியாத நிலை ஏற்பட்டுள்ளது. மழை பெய்து 2 நாட்களாகியும் மழை நீர் வடியாததால், உணவு பொருட்கள் வாங்கக் கூட முடியவில்லை என அப்பகுதி மக்கள் வேதனை தெரிவித்துள்ளனர். மழைநீரை அகற்றி, வடிகால் வசதி ஏற்படுத்தி தரவேண்டும் என அப்பகுதி மக்கள் வேண்டுகோள் விடுத்துள்ளனர்.