எதிர்பாரா நேரம் கனமழையின் திடீர் அட்டாக்.. இயற்கையின் கோரத்தால் திக்குமுக்காடிய மக்கள்

தருமபுரி மாவட்டம் பாப்பிரெட்டிப்பட்டி பகுதியில், 2 மணி நேரத்திற்கும் மேலாக கனமழை பெய்தது. பாப்பிரெட்டிப்பட்டி, கடத்தூர், பொம்மிடி, சித்தேரி, கலசப்பாடி தென்கரைக்கோட்டை உள்ளிட்ட பகுதிகளில் பெய்த மழையால் பொதுமக்களின் இயல்பு வாழ்க்கை பாதிக்கப்பட்டுள்ளது. தென்கரை கோட்டை, பாப்பிரெட்டிப்பட்டி உள்ளிட்ட பல்வேறு பகுதிகளில், முன்னெச்சரிக்கை நடவடிக்கையாக மின்சாரம் துண்டிக்கப்பட்டுள்ளது. தொடர் மழையால் ஏரி, குளம், கிணறு மற்றும் ஆறுகளில் நீர்மட்டம் உயர்ந்துள்ளதால் விவசாயிகள் மகிழ்ச்சியடைந்துள்ளனர்.