மொத்த வித்தையையும் இறக்கிய மாணவர்கள்.. நேரில் சென்று சர்ப்ரைஸ் கொடுத்த அமைச்சர்

அரக்கோணம் பெருமூச்சி பகுதியில் அமைந்துள்ள ஊராட்சி ஒன்றிய நடுநிலைப் பள்ளியில் பள்ளிக்கல்வித்துறை அமைச்சர் அன்பில் மகேஷ் ஆய்வு செய்தார். அப்போது, மாணவர்களின் திறமைகளைப் பாராட்டி, ஆசிரியப் பெருமக்களுக்கு வாழ்த்து தெரிவித்தார். இப்பள்ளி மாணவர்களின் திறமைகள் வியக்க வைப்பதாக, தனது சமூக வலைதளத்தில் பதிவிட்டுள்ளார். இதனிடையே, இப்பள்ளி ஆய்வின் போது காலை உணவுத் திட்டம் குறித்து தானாக முன்வந்து பேசிய மாணவரையும், கலைத்திருவிழா போட்டிக்காக வேடமணிந்து திறமையை வெளிப்படுத்திய மாணவிக்கும் அமைச்சர் அன்பில் மகேஷ் வாழ்த்து தெரிவித்தார். மேலும், சிறப்புக் குழந்தை மாணவர் பரத்தின் ஓவியத் திறமையைக் கண்டு பாராட்டினார்.