சென்னை திருவான்மியூரில் 28ம் தேதி நடைபெறும் தவெக பொதுக்குழுவையொட்டி, ஈ.சி.ஆரில் 100 அடி உயரத்தில் ராட்சத பலூன் பறக்கவிடப்பட்டுள்ளது. விஜய்யை வரவேற்கும் விதமாக, தென்சென்னை தெற்கு மாவட்ட செயலாளர் தாமு தலைமையிலான தவெகவினர், கட்சி அலுவலகத்தில் 100 அடி உயரத்தில் ராட்சத பலூன் ஒன்றை பறக்கவிட்டுள்ளனர். தென் சென்னை மாவட்டம் முழுவதும் மட்டுமின்றி பொதுக்குழு நடைபெறும் தனியார் மண்டபம் வரை, த.வெ.க தலைவர் விஜய்க்கு உற்சாக வரவேற்பு அளிக்கவும் திட்டமிடப்பட்டுள்ளது.
