பீகார் முன்னாள் முதலமைச்சரும், பாஜக மூத்த தலைவருமான சுஷில் குமார் மோடி காலமானார். அவருக்கு வயது 72
1952ஆம் ஆண்டு பிறந்த சுஷில் குமார் மோடி, கடந்த 2005 முதல் 2013 வரையிலும், 2017 முதல் 2020ஆம் ஆண்டு வரையிலும், பீகார் மாநில துணை முதலமைச்சராகவும், நிதி அமைச்சராகவும் பதவி வகித்துள்ளார். சட்டமன்ற உறுப்பினர், சட்ட மேலவை உறுப்பினர், மக்களவை உறுப்பினராக இருந்துள்ள சுஷில் குமார் மோடி, தற்போது மாநிலங்களவை உறுப்பினராக பதவி வகித்து வந்தார். கடந்த ஏப்ரல் மாதம் அவருக்கு புற்று நோய் இருப்பது கண்டுபிடிக்கப்பட்ட நிலையில், தற்போதைய மக்களவைத் தேர்தலில் போட்டியிடவில்லை என அறிவித்திருந்தார். இந்நிலையில், டெல்லியில் உள்ள எய்ம்ஸ் மருத்துவமனையில் சிகிச்சை பெற்று வந்த சுஷில் குமார் மோடி, சிகிச்சை பலனின்றி உயிரிழந்தார். அவரது இறுதிச் சடங்குகள், பீகார் தலைநகர் பாட்னாவில் நடைபெறும் என அறிவிக்கப்பட்டுள்ளது.