இரு சக்கர வாகனத்தில் சாகசம் செய்த இளைஞர் - இளைஞரின் ஓட்டுநர் உரிமம் ரத்து
இரு சக்கர வாகனத்தில் சாகசம் செய்த இளைஞர் - இளைஞரின் ஓட்டுநர் உரிமம் ரத்து
கேரளாவில் இரு சக்கர வாகனத்தில் சாகசம் செய்து வீடியோ வெளியிட்ட இளைஞரின் ஓட்டுநர் உரிமம் ரத்து செய்யப்பட்டுள்ளது.
பாலக்காடு பொல்புள்ளி பகுதியைச் சேர்ந்த ஜிஷ்ணு என்ற இளைஞர், தனது இருசக்கர வாகனத்தை உருமாற்றம் செய்து, அதன் மீது ஏறி நின்றும், முன் சக்கரத்தை உயர்த்தி பிடித்தும், பல்வேறு சாகசங்களை நிகழ்த்தியுள்ளார். மேலும், அதனை வீடியோ பதிவு செய்து, சமூக வலைத்தளங்களில் பகிர்ந்த நிலையில், இவரது பயணத்தை பலரும் கடுமையாக விமர்சித்து வருகின்றனர். இதனிடையே, மோட்டார் வாகன சட்டத்திற்கு புறம்பாக இருசக்கர வாகனத்தை ஓட்டியதாக கூறி, மோட்டார் வாகனத்துறை அதிகாரிகள் ஜிஷ்ணுவின் ஓட்டுநர் உரிமத்தை ரத்து செய்துள்ளனர்.