கொரோனா பரவல் குறித்து முதலமைச்சர் ஸ்டாலின் ஆலோசனை மேற்கொண்டு வருவதாகவும், கோயில்களில் கட்டுப்பாடு விதிப்பது குறித்து சூழலுக்கு ஏற்ப முடிவு எடுக்கப்படும் என அமைச்சர் சேகர் பாபு தெரிவித்துள்ளார். திருச்சியில் ஸ்ரீரங்கம் அரங்கநாதர் சுவாமி கோயிலில் வைகுண்ட ஏகாதசி நிகழ்வின் ஏற்பாடுகளை அமைச்சர் சேகர்பாபு ஆய்வு செய்தார். பின்னர் பேசிய அவர், சொர்க்கவாசல் திறப்பு நிகழ்வில் கலந்து கொள்ள நிர்ணயிக்கப்பட்டதை விட கூடுதலாக கட்டணம் வசூலிக்கப்பட மாட்டாது என தெரிவித்தார்.