ராணிப்பேட்டை மாவட்டம் நெல்லிக்குப்பம் அருகே ஆட்டோ மீது இரு சக்கர வாகனம் மோதிய விபத்தில் இருவர் சம்பவ இடத்திலேயே உயிரிழந்தனர்.ஏகாம்பரநல்லூர் பகுதியை சேர்ந்த பிரபு மற்றும் சந்திரசேகர் ஆகிய இருவரும் தங்களது இருசக்கர வாகனத்தில் ராணிப்பேட்டை நோக்கி சென்றுள்ளனர். அப்போது, நெல்லிக்குப்பம் அருகே சென்ற போது, முன்னாள் லோடு ஏற்றி சென்ற ஆட்டோவின் மீது அவர்களின் இருசக்கர வாகனம் பயங்கரமாக மோதியது. இதில், நிலை தடுமாறி சாலையில் விழுந்த இருவரும் சம்பவ இடத்திலேயே உயிரிழந்தனர். தகவல் அறிந்து சம்பவ இடத்திற்கு வந்த சிப்காட் போலீசார் இருவரின் உடல்களையும் கைப்பற்றி பிரேத பரிசோதனைக்காக வாலாஜாபேட்டை அரசு மருத்துவமனைக்கு அனுப்பி வைத்தனர்.