சென்னையில் இருந்து சுறா பீலிகள் கடத்தப்படுவதாக கிடைத்த தகவலின் அடிப்படையில், வனத்துறை மற்றும் பறக்கும் படை அதிகாரிகள், ராமேஸ்வரம் ரயில் நிலையத்தில் சோதனை நடத்தினர். அப்போது வந்த ராமேஸ்வரம் எக்ஸ்பிரஸ் ரயிலில், மூட்டை மூட்டையாக சுறா பீலிகள் கடத்தப்பட்டது தெரியவந்தது. சுமார் 350 கிலோ எடை கொண்ட பல லட்சம் மதிப்பிலான 6 மூட்டைகளை, போலீசார் பறிமுதல் செய்து விசாரணை நடத்தி வருகின்றனர்.