லாரி மோதி இழுத்து செல்லப்பட்ட பைக்..! மகனுடன் சென்ற தாய் துடி துடித்து பலி - பதைபதைக்கும் சிசிடிவி காட்சி

திருவள்ளூர் மாவட்டம் மீஞ்சூர் அருகே இருசக்கர வாகனத்தின் மீது லாரி மோதிய விபத்தில் தாய் பலியான நிலையில், மகன் படுகாயங்களுடன் மருத்துவமனையில் அனுமதிக்கப்பட்டுள்ளார்... நந்தியம்பாக்கத்தைச் சேர்ந்த ஜோதி தனது மகனுடன் இருசக்கர வாகனத்தில் சென்று கொண்டிருந்தார்... வல்லூர் கூட்டுச்சாலையில் இவர்கள் சென்ற வண்டியின் மீது லாரி ஒன்று மோதவே, தாய் ஜோதி சம்பவ இடத்திலேயே பரிதாபமாக உயிரிழந்தார். அவரது மகன் முனிகுமார் படுகாயங்களுடன் மருத்துவமனையில் அனுமதிக்கப்பட்டுள்ளார். இச்சம்பவம் குறித்து போலீசார் தீவிர விசாரணை நடத்தி வரும் நிலையில், விபத்து பதிவான பரபரப்பான சிசிடிவி காட்சிகள் வெளியாகியுள்ளன.