Dio வண்டியை திருட முயன்ற இளைஞர்கள்.. தர்ம அடி கொடுத்து போலீசில் ஒப்படைத்த மக்கள்

திருவள்ளூர் மாவட்டம் திருத்தணியில் இரு சக்கர வாகனத்தை திருட முயன்ற இளைஞர்களை சரமாரியாக தாக்கிய பொதுமக்கள் போலீசில் ஒப்படைத்தனர்.

திருத்தணியில் உள்ள பழைய கமலா திரையரங்கம் அருகே 3 இளைஞர்கள் இரு சக்கர வாகனத்தை திருட முயற்சித்தனர். இதில், இருவரை கையும் களவுமாக பிடித்த பொதுமக்கள், இருவரையும் சரமாரியாக தாக்கி போலீசாருக்கு தகவல் தெரிவித்தனர். சம்பவ இடத்திற்கு வந்த போலீசார், அரக்கோணத்தை சேர்ந்த பால சாரதி மற்றும் கெளதம் ஆகிய இருவரையும் பிடித்து விசாரணை நடத்தினர். இதில், இருவர் மீதும் பல குற்ற வழக்குகள் நிலுவையில் இருப்பது தெரியவந்தது. தொடர்ந்து, தப்பியோடிய சென்னை, புளியந்தோப்பை சேர்ந்த சங்கர் என்ற இளைஞரை போலீசார் தேடி வருகின்றனர்.

--