கோயம்பேட்டில் கல்லூரி மாணவனுக்கு நேர்ந்த அதி பயங்கரம்.. துடிதுடித்து பலி - குலைநடுங்க வைக்கும் காட்சிகள்

புளியந்தோப்பு பகுதியை சேர்ந்தவர் சூர்யா(19), கோயம்பேட்டில் உள்ள தனியார் கல்லூரியில் பி.காம் இரண்டாம் ஆண்டு படித்து வந்தார். நேற்று மாலை கல்லூரி முடிந்து வீட்டிற்கு செல்வதற்காக கோயம்பேட்டில் இருந்து சென்ற அரசு பேருந்தில் ஏற முயன்றார். அப்போது கால் தவறி கீழே விழுந்ததில் அதே பஸ்ஸின் பின் சக்கரம் அவரது இடுப்பு பகுதியில் ஏறி இறங்கியதில் பலத்த காயமடைந்தார். இதையடுத்து அதிர்ச்சி அடைந்த சக மாணவர்கள் காயம் அடைந்த சூர்யாவை மீட்டு கீழ்ப்பாக்கம் அரசு மருத்துவமனைக்கு சிகிச்சைக்காக கொண்டு சென்று சேர்த்தனர். அங்கு சிகிச்சை பலனின்றி சூர்யா நள்ளிரவு பரிதாபமாக இறந்தார். இந்த சம்பவம் குறித்து கோயம்பேடு போக்குவரத்து போலீசார் வழக்கு பதிவு செய்து பஸ் டிரைவர் வெங்கடேசனிடம் விசாரித்து வருகின்றனர். தற்போது இந்த விபத்தின் சிசிடிவி காட்சிகள் வெளியாகி அதிர்ச்சியை ஏற்படுத்தி உள்ளது.