பிரபல சூப்பர் மார்க்கெட்டில் கொள்ளை - சிசிடிவி காட்சியை கொண்டு போலீசார் விசாரணை

நெல்லை மாவட்டம் வள்ளியூரில், சூப்பர் மார்க்கெட் கடையின் பூட்டை உடைத்து, கொள்ளையில் ஈடுபட்ட நபரின் சிசிடிவி காட்சி வெளியாகியுள்ளது. வள்ளியூர் தேசிய நெடுஞ்சாலையில் இயங்கி வரும் தனியார் சூப்பர் மார்க்கெட்டில், இரவு நேரத்தில் புகுந்த மர்மநபர் ஓருவர், பணப் பெட்டியில் இருந்த பணம் மற்றும் கடையில் உள்ள பொருட்களை திருடிச் செல்லும் காட்சி பதிவாகியுள்ளது.

இதுதொடர்பாக கடையின் உரிமையாளர் அளித்த புகாரில், 15 ஆயிரம் ரூபாய் ரொக்கம் மற்றும் பொருட்கள் திருடுபோனது தெரியவந்தது. சிசிடிவி காட்சிகளின் அடிப்படையில், மர்மநபரை போலீசார் தேடி வருகின்றனர்.