காஞ்சிபுரத்தில் சோலார் மின் மோட்டார் மூலம் விவசாயம் செய்து வரும் விவசாயிக்கு பிரதமர் மோடி வாழ்த்து தெரிவித்துள்ளார். மனதின் குரல் நிகழ்ச்சி மூலம் நாட்டு மக்களிடையே உரையாற்றிய பிரதமர் மோடி, காஞ்சிபுரத்தை சேர்ந்த விவசாயி எழிலன் குறித்து பேசினார். எழிலன் பிரதம மந்திரி குசும் திட்டத்தின் கீழ், தனது வயலில் சூரிய சக்தியில் இயங்கும் பம்பு செட் பொருத்தியுள்ளதாகவும், இதன் மூலம் தனது வயலுக்கு எந்த செலவும் இன்றி நீர் பாய்ச்சி வருவதாகவும் பாராட்டு தெரிவித்தார். மேலும், பிரதம மந்திரி குசும் திட்டத்தின் கீழ், விவசாயிகள் மாநில அரசின் மின்சாரத்தை நம்பி இருக்க வேண்டியது இல்லை எனவும் பிரதமர் மோடி தனது உரையில் குறிப்பிட்டார். இந்திய விண்வெளி ஆராட்சி மையம் ஒரே நேரத்தில் 36 செயற்கைக்கோள்களை விண்ணில் செலுத்தி சாதனை படைத்திருப்பதாக தெரிவித்துள்ள பிரதமர் மோடி, இந்த சாதனைக்காக இஸ்ரோ விஞ்ஞானிகளை பாராட்டியுள்ளார்.