"எம்பிபிஎஸ் படித்தவர்கள் O.A., போன்று தான் இருக்கிறார்கள்" - சபாநாயகர் அப்பாவு கருத்து

வெறும் எம்பிபிஎஸ் படித்தவர்கள் ஓ.ஏ.,போன்ற நிலையில் தான், இருக்கிறார்கள் என்று சபாநாயகர் அப்பாவு பேசியது சலசலப்பை ஏற்படுத்தியுள்ளது.

சென்னை கீழ்பாக்கத்தில் உள்ள தனியார் மருத்துவமனையில் நடந்த நிகழ்ச்சியில் சபாநாயகர் அப்பாவு கலந்து கொண்டார். விழாவில் பேசிய அவர்,

சமஸ்கிருதம் தெரிந்தவர்கள் மட்டுமே மருத்துவராக முடியும் என்ற நிலை ஒரு காலத்தில் இருந்தது எனவும், ஆனால் காலப்போக்கில் ஏற்பட்ட புரட்சிகள் காரணமாகவே, அனைத்து தரப்பினரும் மருத்துவர்கள் ஆகக்கூடிய நிலை உருவாகி இருப்பதாகவும் தெரிவித்தார்.

மருத்துவர்களின் சேவை அளப்பரியது என்று குறிப்பிட்ட அப்பாவு, எம்பிபிஎஸ் மட்டும் படித்திருந்தால், மருத்துவமனையில் ஓ.ஏ., போன்றுதான் இருக்க முடியும் எனவும், அதற்கு மேலாக படித்தால் மட்டுமே சிறந்து விளங்க முடியும் என்றும் தெரிவித்தார்.