நீட் தேர்வு முடிவுகள் நேற்று காலை வெளியாகும் என அறிவிக்கப்பட்ட நிலையில், இரவு 11.30 மணி அளவில் முடிவுகள் அறிவிக்கப்பட்டதால் மாணவர்கள் அவதிக்குள்ளாகினர். கடந்த ஜூலை மாதம் 17ஆம் தேதி நடந்த இத்தேர்வினை சுமார்18 லட்சம் மாணவர்கள் எழுதினர். இதன் முடிவுகள் நேற்று காலை வெளியிடப்படும் என தேசிய தேர்வு முகமை அறிவித்தது. ஆனால், இரவு 10 மணி வரையும் தேர்வு முடிவுகள் வெளியாகாமல் இருந்த நிலையில், சுமார் 11.30 மணி அளவில் முடிவுகள் அறிவிக்கப்பட்டன. இதனால், மாணவர்கள் கடும் அவதிக்குள்ளாகினர்.