இளங்கலை நீட் தேர்வு முடிவுகள் இன்று வெளியாகவுள்ள நிலையில், தமிழகத்தில் மருத்துவ படிப்பு கலந்தாய்வுக்கு விண்ணப்பிப்பது தொடர்பான அறிவிப்பு விரைவில் வெளியாகும் என மருத்துவ கல்லூரி இயக்குனரக வட்டாரங்கள் தெரிவித்துள்ளன.
நாடு முழுவதும் 18 லட்சம் மாணவர்கள் எழுதிய இளங்கலை நீட் தேர்வு முடிவுகள் இன்று வெளியாகவுள்ளது. இந்தநிலையில் மருத்துவ படிப்பு கலந்தாய்வில் பங்கேற்பதற்காக மாணவர்கள் ஆன்-லைனில் விண்ணப்பிப்பது தொடர்பான அறிவிப்பு ஒரிரு நாட்களில் வெளியிடப்படும் என மருத்துவ கல்வி இயக்குனரக வட்டாரங்கள் தெரிவித்துள்ளன. வரும் 8 அல்லது 10 தேதியிலிருந்து கலந்தாய்வில் பங்கேற்பதற்கான ஆன்லைன் விண்ணப்ப பதிவு தொடங்கும் என எதிர்பார்க்கப்படுகிறது. மருத்துவ படிப்பிற்கான அகில இந்திய ஒதுக்கீட்டு கலந்தாய்வின் முதல் கட்டம் முடிவடைந்த பிறகு, தமிழகத்தில் கலந்தாய்வு துவங்கும் எனவும் மருத்துவ கல்வி இயக்குனரக வட்டாரங்கள் கூறியுள்ளது குறிப்பிடத்தக்கது.