நின்றிருந்த லாரி மீது கல்லூரி பஸ் மோதல்..!சுற்றுலா சென்று திரும்பிய மாணவிகளுக்கு நேர்ந்த கதி- நெல்லையில் பயங்கர விபத்து

நெல்லை 4 வழிச்சாலையில் நின்ற லாரி மீது கல்லூரி வாகனம் மோதிய விபத்தில் 13 மாணவிகள் உட்பட 15 பேர் படுகாயம் அடைந்து மருத்துவமனையில் அனுமதிக்கப்பட்டுள்ளனர். விருதுநகரைச் சேர்ந்த கல்லூரி மாணவிகள் கல்லூரி வாகனத்தில் சுற்றுலா சென்று விட்டு ஊர் திரும்பிக் கொண்டிருந்தனர். அப்போது நெல்லை டிவிஎஸ் நகர் நான்கு வழி சாலை அருகே டீசல் இல்லாமல் நின்ற லாரி மீது எதிர்பாராத விதமாக கல்லூரி வாகனம் மோதியது. லாரியில் விளக்கு எரியாததால் கல்லூரி வாகன ஓட்டுநருக்கு வாகனம் நிற்பது தெரியவில்லை என கூறப்படுகிறது... இவ்விபத்தில் கல்லூரி பேருந்து ஓட்டுநர், 13 மாணவிகள் உட்பட 15 பேர் படுகாயம் அடைந்த நிலையில், உடனடியாக அவர்கள் மருத்துவமனையில் அனுமதிக்கப்பட்டனர்.