மாமல்லபுரத்தை உலுக்கிய இரட்டை கொலை.. கழுத்து, காது, மூக்கை அறுத்து வெறிச்செயல்.. பின்னணியில் நடந்தது என்ன? போலீசார் விசாரணை
- செங்கல்பட்டு மாவட்டம், மாமல்லபுரம் அடுத்த கிழக்கு கடற்கரை சாலையில் உள்ள நெம்மேலியில் முந்திரிதோப்பு பகுதியில் வசித்து வந்தவர் 92 வயதான சகாதேவன்.
- ரயில்வேயில் கேங்மேனாக பணிபுரிந்து ஓய்வு பெற்றவர்.. இவரின் மனைவி 82 வயதான ஜானகி.
- இவர்களுக்கு 3 மகன்கள், 2 மகள்கள் என 5 பிள்ளைகள்..
- 5 பேருக்கும் திருமணமான நிலையில் அவர்கள் வெவ்வேறு ஊர்களில் வசித்து வருகின்றனர்.
- இதனிடையே மாமல்லபுரம் பகுதியில் முந்திரி தோப்பை 10 வருட குத்தகைக்கு எடுத்து கணவன், மனைவி இருவரும் வசித்து வந்தனர்.
- தோப்புக்கு நடுவே தனியாக குடிசை போட்டு அவர்கள் வசித்து வந்தனர்.
- ஏதேனும் அவசரம் என்றால் கூட உதவிக்கு ஆட்கள் வர முடியாத அளவுக்கு ஆள்நடமாட்டம் இல்லாத இடம் அது...
- இவர்கள் தனியாக வசிப்பதை நோட்டமிட்ட மர்ம ஆசாமிகள் சிலர், பல நாட்களாக கவனித்து வந்தனர்.
- இதனிடையே வியாழக்கிழமை இரவு திடீரென முந்திரி தோப்பில் முகாமிட்ட மர்ம ஆசாமிகள், வீட்டில் இருந்து வெளியே வந்த மூதாட்டி ஜானகியை அலேக்காக வாயைப் பொத்தி தூக்கிச் சென்றது.
- முந்திரி தோப்புக்குள் அவரை தூக்கிச் சென்ற அந்த கும்பல், அவர் அணிந்திருந்த தங்க நகைகளை தருமாறு மிரட்டியதாக கூறப்படுகிறது.
- ஆனால் அதற்கு அவர் மறுக்கவே, அவரின் கழுத்தை அறுத்த ஆசாமிகள் பின்னர் காதை அறுத்து கம்மலை எடுத்துள்ளனர்.
- பின்னர் மூக்கை அறுத்து மூக்குத்தியை எடுத்திருக்கிறார்கள். இப்படியாக மூதாட்டி வசமிருந்த 10 சவரன் நகைகளை அந்த கும்பல் கொள்ளையடித்துச் சென்றது.
- இதனிடையே வீட்டின் உள்ளே இருந்த சகாதேவனும் மர்மமான முறையில் உயிரிழந்து கிடந்தார்.
- விசாரணையில் அவர் கழுத்து நெறிக்கப்பட்டு அந்த மர்ம கும்பலால் கொல்லப்பட்டிருக்கலாம் என சந்தேகம் எழுந்திருக்கிறது. மூதாட்டியை கொலை செய்வதற்கு முன்பாகவே சகாதேவனை அந்த மர்ம கும்பல் கொன்றிருக்கலாம் என்றும் கூறப்படுகிறது.
- 2 பேரின் சடலங்களை மீட்ட போலீசார் பிரேத பரிசோதனைக்கு அனுப்பி வைத்தனர்.
- முந்திரி தோப்பு குத்தகை எடுப்பதில் ஏற்பட்ட முன்விரோதம் காரணமாக கொலை நடந்ததா? அல்லது மூதாட்டியின் நகைகளுக்காக நடந்த கொலையா? என்ற கோணத்தில் போலீசார் விசாரணை நடத்தி வருகின்றனர்.
- கொலையாளிகளை பிடிக்க 4 தனிப்படைகள் அமைக்கப்பட்டு விசாரணையும் நடந்து வருகிறது.
- இந்த இரட்டைக் கொலை நெம்மேலி பகுதியில் பரபரப்பை ஏற்படுத்தி இருக்கும் நிலையில் கொலையாளிகள் சிக்கினால் இதன் பின்னணியில் நடந்தது வெளிச்சத்திற்கு வரும்...