இடத்தகராறில் ஏற்பட்ட முன்பகை காரணமாக மர்ம கும்பல் தாக்கியதில் கூலித்தொழிலாளி ஒருவர் படுகாயம் அடைந்தார்.
புதுக்கோட்டை மாவட்டம் சந்தமனை பகுதியை சேர்ந்த கூலித்தொழிலாளி சரவணன் வேலை நிமித்தமாக அறந்தாங்கி எழில்நகர் பகுதிக்கு சென்றுள்ளார். அப்போது அங்கு வந்த மர்ம கும்பல் சரவணன் மீது தாக்குதல் நடத்தியுள்ளது. இதனால் படுகாயம் அடைந்த சரவணன் புதுக்கோட்டை அரசு மருத்துவ கல்லூரி மருத்துவமனையில் சிகிச்சை பெற்று வருகிறார். இது குறித்த புகாரின் பேரில் சிசிடிவி காட்சிகளை ஆய்வு செய்த போலீசார் அதே கிராமத்தை சேர்ந்த செந்தில்குமார் மற்றும் சின்னராசுவை கைது செய்தனர். அவர்களிடம் நடத்திய விசாரணையில், இடம் வாங்கி தருவதில் ஏற்பட்ட பிரச்சினையே தாக்குதலுக்கு காரணம் என தெரியவந்துள்ளது.