மூதாட்டியின் வீட்டை நோட்டமிட்ட கல்லூரி மாணவன் | மேட்டுப்பாளையத்தில் பரபரப்பு

மேட்டுப்பாளையம் அருகே ஜடையம்பாளையம் கிராமத்தை சேர்ந்தவர் மூதாட்டி சரோஜினி. இவரை, கடந்த 21 ஆம் தேதி மர்ம நபர் ஒருவர் கொலை செய்து, வீட்டில் இருந்து நகைகளை திருடி சென்ற சம்பவம் பரபரப்பை ஏற்படுத்தியது. புகாரின் அடிப்படையில் விசாரணை நடத்தி வந்த போலீசார், அதே கிராமத்தை சேர்ந்த வசந்த குமார் என்ற கல்லூரி மாணவரை கைது செய்தனர். அவரிடம் நடத்திய விசாரணையில், ஆன்லைன் வர்த்தகத்தில் அதிகப்படியான பணத்தை முதலீடு செய்து வசந்தகுமார் நஷ்டமடைந்துள்ளார். அப்போது, வசந்தகுமாரின் தாயிடம் ரவிக்கை ஒன்றை தைக்க கொடுத்துள்ளார் மூதாட்டி சரோஜினி. அதற்கான பணத்தினை வாங்கி வர கூறி மூதாட்டியின் வீட்டிற்கு வசந்தகுமாரை அவரது தாய் அனுப்பியுள்ளார். அங்கு சென்ற போது, வீட்டில் யாரும் இல்லாத நிலையில், மூதாட்டியை கொலை செய்து, நகையை திருடி சென்றதாக வசந்தகுமார் கூறியது அதிர்ச்சியை ஏற்படுத்தியது. இதையடுத்து, வசந்த குமாரை கைது செய்த போலீசார், அவரிடமிருந்து 14 சவரன் நகைகளை பறிமுதல் செய்தனர்.