நடுரோட்டில் இளைஞர் தலையில் கல்லை போட்டு கொன்ற கொடூரம்... வெளியான அதிர்ச்சி வீடியோ... சிக்கிய கொலையாளி...

கர்நாடகாவில் முன்விரோதம் காரணமாக நடுரோட்டில் இளைஞரின் தலையில் கல்லை போட்டு கொலை செய்த சம்பவம் அதிர்ச்சியை ஏற்படுத்தியுள்ளது.

கர்நாடக மாநிலம் களபுறுகி அருகே சவூக் பகுதியை சேர்ந்தவர் பிரசாந்த்குமார். இவர் கடந்த ஜனவரி 4 ஆம் தேதி நகரின் முக்கிய சாலையில், தலை சிதைந்த நிலையில் கொலை செய்யப்பட்டு கிடந்தார். சம்பவம் குறித்து வழக்குபதிவு செய்து விசாரணை நடத்தி வந்த போலீசாருக்கு, சம்பவத்தின் வீடியோ காட்சி சிக்கியது. அதில், நபர் ஒருவர் பிரசாந்த்குமாரின் தலையில் கல்லை போட்டு கொலை செய்யும் காட்சி பதிவாகியிருந்தது. இதனடிப்படையில், மஞ்சுநாத் என்பவரை கைது செய்து போலீசார் தீவிர விசாரணை நடத்தினர். விசாரணையில், பிரசாந்த்குமாருக்கும், மஞ்சுநாத்திற்கும் பணம் கொடுக்கல் வாங்கலில் தகராறு ஏற்பட்டு முன்விரோதம் இருந்து வந்தது தெரியவந்துள்ளது. இதன் காரணமாக பிரசாந்த்குமாரின் தலையில் கல்லை போட்டு கொலை செய்ததை மஞ்சுநாத் ஒப்புக்கொண்ட சம்பவம் பரபரப்பை ஏற்படுத்தியுள்ளது.