சேலம் எடப்பாடி சட்டமன்றத் தொகுதிக்கு உட்பட்ட சின்னப்பம்பட்டியில் அதிமுக பொதுச்செயலாளர் எடப்பாடி பழனிசாமி கட்சிக்கொடியை ஏற்றி வைத்துப் பேசினார். அப்போது, அதிமுகவுக்கு ஒரு கோடியே 90 லட்சம் உறுப்பினர்கள் இருப்பதால், அதிமுகவை முதல்வர் ஸ்டாலினால் அசைக்கவே முடியாது என்று கூறினார். தமிழகத்தில் அதிமுகதான், அதிகம் காலம் ஆட்சி செய்த கட்சி என்றும் அவர் பெருமிதம் தெரிவித்தார். திமுக ஆட்சி நீண்ட காலம் நிலைக்கப்போவதில்லை என்றும், நாடாளுமன்றத் தேர்தலுடன் சட்டமன்ற தேர்தல் வருவதற்கான வாய்ப்பு உள்ளது என்றும் அவர் கூறினார்.