"ஒரு 15 தடவை கேட்டேன்...பண்ணவே மாட்டேன் சொல்லிட்டாரு.." ரசிகர் கெஞ்சி கேட்டதால் விஜய் செய்த செயல்

விலை இல்லா விருந்தகம் திட்டத்தை செயல்படுத்தி வரும் ரசிகர்களை நேரில் அழைத்து விஜய் பாராட்டியுள்ளார்.

தமிழ்நாட்டில் ஒரு ஆண்டுக்கு மேலாக விலையில்லா விருந்தகம் நடத்தும் திருச்சி, சேலம் தஞ்சாவூர் உள்ளிட்ட 22 மாவட்டங்களை சார்ந்த மக்கள் இயக்க நிர்வாகிகளை, சென்னை பனையூரில் உள்ள அலுவலகத்தில் விஜய் நேரில் சந்தித்தார். அப்போது நிர்வாகிகளுக்கு பாராட்டு தெரிவித்த விஜய், இந்த உதவியை செய்ய கூடுதல் பணம் தேவை என்றால் தன்னிடம் கேளுங்கள், உதவி செய்கிறேன் என விஜய் கூறியதாக தகவல் வெளியாகியுள்ளது. அடுத்தடுத்து பல்வேறு நலத்திட்ட உதவிகளை மேற்கொள்ள திட்டமிட இருப்பதாகவும், அதனை மக்களிடம் கொண்டு சேர்க்க வேண்டும் என்றும் ரசிகர்களிடம் விஜய் கேட்டுக்கொண்டார். சுமார் 2 மணி நேரம் நடந்த சந்திப்பில், புதியதாக சில நலத்திட்டங்களை மேற்கொள்ள வேண்டும் என விஜய் அறிவுறுத்தியதாக கூறப்படுகிறது.