மனைவி, குழந்தைகளை கத்தியால் குத்தி கொன்ற கணவன் - கேரள பெண்ணுக்கு லண்டனில் நடந்த அதிர்ச்சி சம்பவம்
கேரளாவை பூர்வீகமாக கொண்ட நர்ஸ் மற்றும் அவரது குழந்தைகள் லண்டனில் கணவரால் குத்தி கொலை செய்யப்பட்ட சம்பவம் அதிர்ச்சியை ஏற்படுத்தியுள்ளது.
கேரள மாநிலம் கோட்டயம் மாவட்டத்திற்கு உட்பட்ட வைக்கம் பகுதியை சேர்ந்தவர் அஞ்சு.
இவருக்கு சாஜூ என்னும் கணவரும், நான்கு வயதில் ஜான்வி, ஆறு வயதில் ஜீவா என்ற குழந்தைகள் இருந்தனர்.
அஞ்சு குடும்பத்துடன் லண்டனில் வசித்து வந்த நிலையில், மருத்துவமனையில் நர்சாக பணியாற்றி வந்தார்.
இந்நிலையில் லண்டனில், வீட்டில் கொலை செய்யப்பட்டு கிடந்துள்ளார்.
மகனும், மகளும் கத்தியால் குத்தப்பட்டு உயிருக்கு போராடிய நிலையில் போலீசார் மீட்டுள்ளனர்.
இரு பிள்ளைகளும், மருத்துவமனையில் சிகிச்சை பலனின்றி உயிரிழந்தனர்.
இந்த சம்பவம் தொடர்பாக கணவர் சாஜூவை போலீசார் கைது செய்து விசாரணை நடத்தி வருகின்றனர்.
தாய் மற்றும் குழந்தைகளின் சடலங்களை கேரளா கொண்டு வரும் முயற்சிகளில் குடும்பத்தினர் ஈடுபட்டுள்ளனர்.
கணவர் சாஜூவுக்கு வேலை கிடைக்காதததால், அவ்வப்போது மனைவி அஞ்சுவிடம் தகராறு செய்து வந்ததாக கூறப்படுகிறது.
தாய் மற்றும் இரு குழந்தைகள் கத்தியால் குத்தி கொல்லப்பட்ட சம்பவம், அதிர்ச்சியை ஏற்படுத்தியுள்ளது.