துணிக்கடை பூட்டை உடைத்த கைவரிசை, மர்மநபர்களுக்கு போலீசார் வலைவீச்சு - கொள்ளையடிக்கும் சிசிடிவி காட்சி வெளியீடு

சென்னை தண்டையார்பேட்டையில் உள்ள துணிக்கடையின் பூட்டை உடைத்து, மர்ம நபர்கள் கொள்ளையடிக்கும் சிசிடிவி காட்சி வெளியாகி உள்ளது. நிஜாம் முகைதீன் என்பவருக்கு சொந்தமான துணிக் கடையில், நள்ளிரவில் புகுந்த மர்ம நபர்கள் இருவர், ஷட்டர் மற்றும் கண்ணாடி கதவை உடைத்து, துணிகளை கொள்ளையடித்து சென்றனர். மேலும் அங்கிருந்த 3 சிசிடிவி கேமராக்களையும உடைத்துள்ளனர். கதவு உடைக்கும் சத்தம் கேட்டு, அக்கம் பக்கத்தினர் அளித்த தகவலின் பேரில் வந்த போலீசார், சிசிடிவியில் பதிவான காட்சிகளை வைத்து மர்மநபர்களை தேடி வருகின்றனர்.