"வருங்கால முதல்வரே..!" - ஓபிஎஸ் பிறந்த நாள்... ஏக தடபுடலாய் தொண்டர்கள் உற்சாக கொண்டாட்டம்...

தேனி மாவட்டம் பெரியகுளத்தில் முன்னாள் முதல்வர் ஓ.பன்னீர்செல்வத்தின் பிறந்த நாளை முன்னிட்டு, அவரது ஆதரவாளர்கள் கேக் வெட்டி உற்சாக கொண்டாட்டத்தில் ஈடுபட்டனர்

பெரியகுளத்தில் உள்ள தனது இல்லத்தில் 72வது பிறந்தநாளை ஓபிஎஸ் உற்சாகமாக கொண்டாடிய நிலையில், அவருக்கு வாழ்த்து தெரிவிப்பதற்காக, தமிழகத்தின் பல்வேறு பகுதிகளில் இருந்தும் ஏராளமான கட்சி நிர்வாகிகள், தொண்டர்கள் அங்கு குவிந்தனர். அப்போது, ஓபிஎஸ் ஆதரவாளரான கொளத்தூர் கிருஷ்ணமூர்த்தி, வெள்ளி வேல் வழங்கியதோடு, 72 கிலோ எடையுள்ள கேக் வெட்டி கொண்டாட்டத்தில் ஈடுபட்டார். இதனையடுத்து, தொண்டர்கள் மாலை அணிவித்தும், பூங்கொத்து கொடுத்தும் வாழ்த்து தெரிவித்தனர். அப்போது, வருங்கால முதல்வரே எனவும் முழக்கம் எழுப்பினர்.