எடை அதிகமாக இருந்த அம்மன் சிலையை திருட முடியாததால் விரக்தி - அம்மன் சிலையை கீழே போட்டுடைத்து விட்டு தப்பியோட்டம்

சென்னை அடுத்த மாமல்லபுரத்தில் அம்மன் சிலையை திருட முயன்று, எடை அதிகமாக இருந்த விரக்தியில் கீழே போட்டு உடைத்து விட்டு சென்ற மர்ம ஆசாமிகளை போலீசார் தேடி வருகின்றனர். மாமல்லபுரத்தில் சிற்பகலைக்கூடத்தின் வாயிலில் இருந்த 70 ஆயிரம் ரூபாய் மதிப்புள்ள 100 கிலோ எடையுள்ள கருமாரி அம்மன் சிலையை மர்ம நபர்கள் திருட முயற்சித்துள்ளனர். ஆனால் சிலையின் எடை அதிகமாக இருந்த காரணத்தால் விரக்தி அடைந்த அவர்கள், சிலையை கீழே போட்டு இரண்டு துண்டாக உடைத்துவிட்டு சென்றதாக தெரிகிறது. இதுகுறித்து சிற்பகலைக்கூடத்தின் உரிமையாளர் அளித்த தகவலை தொடர்ந்து சிசிடிவி காட்சிகளை ஆய்வு செய்து வரும் போலீசார், மர்ம நபர்களை வலைவீசி தேடி வருகின்றனர்.