புதுச்சேரி டூ சென்னை வந்த குடும்பம்..பஸ் ஸ்டாண்டில் செய்த பகீர் காரியம் - பரபரப்பு சம்பவம்

சென்னை திருவான்மியூர் பேருந்து நிலையத்தில், ஒரே குடும்பத்தைச் சேர்ந்த மூன்று பேர் விஷம் குடித்து தற்கொலைக்கு முயன்ற சம்பவம் பரபரப்பை ஏற்படுத்தியுள்ளது..புதுச்சேரியைச் சேர்ந்த ஆறுமுகம் என்பவர் தனது மனைவி, மகனுடன் திருவான்மியூர் பேருந்து நிலையம் வந்துள்ளார். இதனையடுத்து அவர்கள் மூவரும் பேருந்து நிலையத்திலேயே மயங்கி விழுந்த நிலையில், அங்கிருந்த போக்குவரத்து ஊழியர்கள் அவர்களை மீட்டு ராயப்பேட்டை அரசு மருத்துவமனைக்கு சிகிச்சைக்காக அனுப்பி வைத்தனர். இதனையடுத்து அவர்கள் விஷம் அருந்தி இருப்பது தெரியவந்தது. மூவருக்கும் தீவிர சிகிச்சை அளிக்கப்பட்டு வரும் நிலையில், புதுச்சேரியில் இருந்து எதற்காக இங்கு வந்தார்கள்? விஷம் குடித்ததற்கான காரணம் என்ன? என்ற கோணத்தில் போலீசார் விசாரித்து வருகின்றனர்.