மயானத்திற்கு செல்ல பாதை இல்லாததால் சடலத்துடன் சாலை மறியலில் ஈடுபட்ட மக்கள் - விருதுநகரில் பரபரப்பு

விருதுநகரில் பொது மயானத்திற்கு செல்ல பாதை இல்லை என கூறி சடலத்துடன் பொதுமக்கள் சாலை மறியல் போராட்டத்தில் ஈடுபட்டனர். 31வது வார்டு பகுதிவாசிகளுக்காக மாத்தநாயக்கன்பட்டி சாலையில் மயானம் செயல்பட்டு வருகிறது. மயானத்திற்கு செல்லும் சாலை குப்பை மேடாக மாறியுள்ளது. மழை பெய்யும் போது, சேறும் சகதியுமாக மாறி பயன்படுத்த முடியாத நிலை ஏற்பட்டுள்ளது. இந்நிலையில், இறந்த ஒருவரது உடலை எடுத்துச் செல்ல முடியாத நிலை ஏற்பட்டதால், அப்பகுதி மக்கள் சாலை மறியலில் ஈடுபட்டனர். அவர்களிடம் பேச்சுவார்த்தை நடத்திய அதிகாரிகள், உரிய நடவடிக்கை எடுக்கப்படும் என உறுதி அளித்த‌தால், பொதுமக்கள் கலைந்து சென்றனர்.