தப்பிய மனைவி, மாமியாருக்கு விழுந்த அரிவாள் வெட்டு - குடிபோதையில் மருமகன் வெறிச்செயல்
மதுரை பாலமேடு அருகே, குடும்பத்தகராறில் மாமியாரை அரிவாளால் வெட்டிவிட்டு தப்பிய மருமகனை போலீசார் கைது செய்தனர். பாலமேடு அருகே உள்ள வலையபட்டி பகுதியை சேர்ந்த முருகன் என்பவர், அடிக்கடி குடித்துவிட்டு வந்து, மனைவி சீலைக்காரியை. அடித்து உதைத்து தகராறில் ஈடுபட்டு வந்துள்ளார். இந்த நிலையில், மீண்டும் குடித்துவிட்டு வந்த முருகன், மனைவியை அரிவாளால் வெட்ட முயன்றுள்ளார். அப்போது, அதனை தடுக்க முயன்ற மாமியார் நல்லதங்காள் என்பவருக்கு, கழுத்து மற்றும் கையில் வெட்டு விழுந்தது. காயமடைந்த அவரை, அங்கிருந்தவர்கள் மீட்டு மருத்துவமனைக்கு அனுப்பி வைத்தனர்.
தகவலின் பேரில் வந்த போலீசார், தலைமறைவாக இருந்த முருகனை கைது செய்து விசாரணை நடத்தி வருகின்றனர்.